தனி மனிதர்களுக்கான தேசம் அல்ல இது...!

தனி மனிதனாக இருக்க வேண்டாம் இது தனி மனிதர்களுக்கான நாடு அல்ல.
ஒரு கூட்டமாகவோ,ஒரு அமைப்பாகவோ அல்லது ஒரு சங்கமாகவோ இருப்பவர்களுக்கு கிடைக்கும் மரியாதை தனி மனிதருக்கு கிடைக்கவில்லை.
தனி மனிதருக்கு நீதி மறுக்கபடுகிறது. தனி மனிதராக இருந்து நீதி பெற வேண்டுமெனில் பெரும் பணக்காரனாக இருக்க வேண்டும். ஒரு தனிமனிதன் இன்றைய நிலையில் ஒரு பொருளை காணவில்லை என காவல் நிலையத்தில் புகார் அளிக்க கூட பெரும்பாடு படவேண்டிஉள்ளது. இருதரப்பிற்க்கு பிரச்சனை எனில் அங்கே நியாயம் தர்மம் பார்ப்பதைவிட யார் அதிக வொர்த்து என்றே கவனிக்க படுகின்றனர்.

தனித்து இல்லாமல் ஏதாவது ஒரு அமைப்பில் உங்களை இணைத்து கொள்ளுங்கள். உங்கள் தொழில் சார்ந்த அமைப்போ அல்லது பகுதி சார்ந்த அமைப்போ அல்லது உங்கள் ஜாதி மத அமைப்பாக இருந்தாலும் பரவாயில்லை,ஜாதி மத அமைப்புகளுக்கு இன்றைய நிலையில் நல்ல அரசியல் எதிர்காலம் உள்ளது இது வெட்க பட வேண்டிய உண்மைதான்.ஆனால் இந்த நிலை மாற இன்னும் பல வருடங்கள் ஆகும்.அதுவரை நாமும் ஊரோடு ஒத்து போகவேண்டியதுதான்.எதும் இல்லாவிட்டாலும் எதாவது ஒரு அரசியல் கட்சியிலாவது இணைந்துவிடுங்கள் அதுவே பாதுகாப்பு.

நான் உண்டு என் வேலை உண்டு என இருக்கின்றேன் எனக்கு எதுக்கு இதெல்லாம் என்ற எண்ணம் மட்டும் வேண்டாம். யாருக்கு எப்போது வேண்டுமானாலும் பிரச்சனை வரலாம்.உங்களுக்கு ஒரு பிரச்சனை என்றால் ஒரு ஐம்பது பேர் வந்து நிற்கும்படி உங்கள் சூழலை உருவாக்கிகொள்ளுங்கள்.

கேட்க நாதியில்லாத காரணத்தால் காவல் துறை நடவடிக்கை,கட்ட பஞ்சாயத்து
ஆகியவைகளால் ஊரைவிட்டு ஓடிபோன,தற்கொலை செய்து கொண்ட குடும்பங்கள் பல உண்டு.

தனித்து போராடி வெல்ல முடியாதா என கேட்கலாம்..! முடியும்.. ஆனால் அதற்கான விலை மிக அதிகம் முடிந்தவர்கள் போராடி கொள்ளட்டும்.

அதிஷ்டவசமாக ஓட்டுகாக பிச்சை எடுக்கும் அரசியல் வாதிகள் மத்தியில் நாம் வாழ்ந்து கொண்டு இருக்கின்றோம். இதுவே நமக்கு ஆயுதம். எப்போதும் ஒற்றுமையுடனும்,கூட்டமாகவும் இருப்போம்...! தலை நிமிர்ந்து தைரியமாக வாழ்வோம்...!

தனி மனிதர்களுக்கான தேசம் அல்ல இது...!

>

குடித்ததில் பிடித்தது..!

குடி குடியை கெடுக்கும்! குடி பழக்கம் எல்லாவற்றிற்கும் தீங்கானது!!

எனக்கு ஒரு சின்ன ஆசை அதாவது மெரீனா பீச் ல நல்லா மழை அடிச்சுகிட்டு ஊத்தணும் யாருமே அங்க இருக்க கூடாது மணல் வெளி ஓரமா கார நிப்பாட்டி காருக்குள்ள உக்காந்து தண்ணி அடிக்கணும்.ஒருநாள் அப்படி கிளம்பியாச்சு அப்போ மழைக்காலம் தான் ! இங்க பெரம்பூர்ல நச நச ன்னு தூறல் போட்டுக்கிட்டு இருக்கு கிழக்கு பக்கமா வானத்த பார்த்தா நல்லா மழை அடிச்சிகிட்டு பெய்யும் போல இருந்தது! மதிய நேரம் அது!! சரக்கு மற்றும் சைடு டிஷ், பிரியாணி எல்லாம் வாங்கிகிட்டு கார எடுத்துகிட்டு கிளம்பியாச்சு சீரணி அரங்கம் இருந்ததே அதுக்கு பின்னாடி கார் கொஞ்சதூரம் கடல் வரை போகும் அங்க போய் கார நிறுத்துறதா திட்டம்.

ஆனா ? யாரு கண்ணு வைச்சாங்களோ தெரியல பீச் நெருங்க ,நெருங்க மழை குறைந்து லேசா வெயில் அடிக்க ஆரம்பிச்சது! பீச் போனதும் பார்த்தா நல்லா சுள்ளுன்னு வெய்யில்! என்ன இது வீணாப்போன வானிலை?

வெறுப்பா போச்சு அப்புறம் மக்கள் நடமாட்டம் அதிகம் இல்லாத இடத்தில் வண்டிய நிப்பாட்டி தண்ணி அடிச்சுட்டு வந்தோம்! அப்புறம் அதுபோல தண்ணி அடிக்க முயற்சி பண்ணல.

போன வருஷம் கொடைக்கானல் போனோம் அப்போ தண்ணி அடிச்ச சம்பவத்த
மறக்கவே முடியாது! வேன் எடுத்துகிட்டு போய் இருந்தோம் முணு ,நாலு குடும்பங்களா போய் இருந்தோம். ஒரு நாள் காலைல கிளம்பி வெளில சுத்தி பார்த்துட்டு மதிய சாப்பாட்டுக்கு தங்கி இருந்த எடத்துக்கு வந்துட்டோம் அங்க சமையல் பண்ண ஏற்பாடு பண்ணி இருந்தோம்.எல்லாரையும் எறக்கி விட்டுட்டு தண்ணி அடிக்கிற பழக்கம் உள்ள நல்ல புள்ளைங்க ஒரு அஞ்சு பேரு வேன்ல கிளம்பிட்டோம்!

சரக்கு வாங்கிகிட்டு வேன ஒரு ஓரமா நிறுத்தினோம்!அப்போ
அடிச்சுது பாருங்க மழை!!! மழைனா ..மழை அப்படி ஒரு அடை மழை! சுத்தி உயர உயரமா மரங்கள்! மழைல தொப்பலா நனைஞ்சு நிக்குது ! ஒரு வேனுக்குள்ள இருந்துகிட்டு பெய்யென பெய்ஞ்சுகிட்டு இருக்குற அடை மழையை ரசிக்கிறதே
ஒரு போதைதான் கூடவே சரக்கும் இருந்தா அடடா சொல்லவே வேணாம்!

அப்போ எனக்கு பள்ளி கூடத்துல படிச்ச நெடுநல் வாடையில் நக்கீரர் கூறும் மழைக்கால வர்ணனையை எழுது அப்படிங்குற கொஸ்டீன் தான் நெனைப்பு
வந்தது! சமீபத்துல ஒரு பதிவர் இதை பத்தி எழுதி இருந்தாங்க!

அதுல!
மழையில் நனைந்த கமுக மரங்கள் காற்றின் வேகத்தில் அசைந்து உருண்டு ,திரண்டு அழகாக காட்சி அளித்தன, நீரின் வேகத்தை எதிர்த்து மீன்கள் நீந்திவர அதெற்கென காத்திருந்த கொக்குகள் அந்த மீன்களை பிடித்து உன்னலாயின, சிறு மழைக்கு அஞ்சாத கள்ளுண்ட மாந்தர்கள் சத்தமாக இரைந்த படி சென்றனர் இப்படியாக போகும் அந்த வர்ணனை !

மழை நிக்கவே இல்ல வேணும்கிற அளவுக்கு பெய்ஞ்சது! நல்ல நிதானமாபொறுமையா மழைய ரசிச்சுகிட்டே போதை தரும் திரவம்
வயிற்றில் இறங்க அருமையாய் கழித்தோம் அந்த மாமழை தினத்தை.

.......................................................................................................
>