மனதில் நிற்கும் பதிவர்களின் பதிவுகள் --தொகுப்பு இரண்டு

நெஞ்சில் நிலைத்த பதிவுகளை இதற்க்கு முன்னர் ஒரு முறை தொகுத்து Link இருக்கிறேன் இது இரண்டாவது தடவை ..!
முதல் தொகுப்பு இங்கே

இந்த மனிதரின் கவிதையை படிக்குபோதெல்லாம் அவர் கரங்களை பற்றி பாராட்ட தோன்றும் நான் நேரில் சந்திக்க விரும்பும் மனிதர்களில் இவரும் ஒருவர். புரையேறும் மனிதர்களை பற்றி எழுதுகிறார் என்னால் இவருக்கு பலதடவை புரையேறி இருக்க கூடும்.

பாரா வின் தகப்பனாக இருப்பது

கடன்கார தகப்பனின் மகனாய் இருப்பதும் கொடுமைதான் ..! அதை நான் அனுபவித்து இருக்கிறேன் ..!

வெகு சரளமான எழுத்து நடை ஒரே முச்சில் படிக்க வைத்து மனதை கனக்க வைத்த ஜெஸ்வந்தியின் இந்த பதிவுகள் படித்து பாருங்கள் ..!

யார் குடியை கெடுத்தேன் ??

பகுதி ஒன்று பகுதி இரண்டு பகுதி மூன்று


எனக்கு இலங்கை தமிழ் மிகவும் பிடிக்கும்..! என் சிறிய வயதில் எங்கள் ஊரில் விடுதலை புலிகள் சகஜமாக வந்து சென்ற காலம் அது . பள்ளி முடிந்த வுடன் நான் மற்றும் என் நண்பர்கள் அனைவரும் அவர்களுடன் தான் இருப்போம் மிகவும் பாசமாக பழகுவார்கள் அவர்கள் பேசிய அந்த தமிழ் லயிக்க வைத்தது
உண்மை ..! அதன் பிறகு அந்த தமிழை நேரடியாக கேட்கும் வாய்ப்பு கிடைக்கவில்லை ஒரு இலங்கை தமிழரிடம் சிலமணி நேரமாவது அமர்ந்து பேசவேண்டும் என்பது என் தீராத ஆசையாய் இருக்கிறது ..!

இந்த இலங்கை தமிழை உரித்து வைத்து எழுதிய ஹேமாவின் இந்த பதிவை பாருங்கள் லயித்து படிக்கலாம் இறுதியில் சோகத்தோடு முடித்தாலும்.

கடந்து வந்த பதின்மத்தில்


புதிய சிந்தனைக்கு சொந்தக்காரன் பிரியமானவன். சொர்கத்தில் இருக்கும் தன் தங்கைக்கு ப்ரியமுடன் வசந்த் எழுதி இருக்கும் கடிதத்தை நம்மால் கலங்காமல் படிக்க முடியவில்லையே ..!
சொர்கத்துக்கு ஒரு கடிதம்

அதை தொடர்ந்து அதற்க்கு பதில் கடிதம் வடித்த தமிழரசியின் கடிதத்தையும் படித்து பாருங்கள்.


வளமான எழுத்து நடை கொண்டவர் இந்த அமு செய்யது .இவர் நிறைய எழுத வேண்டும் . இவரின் இந்த பதிவை பாருங்கள்.

கரையான்கள் அரித்த மீதிகதவுகள்




---தொடரும்
>

என் ஓட்டும்,தங்கமணி ஓட்டும்..!

யாரை கேட்டாலும் அதிமுக வுக்குத்தான் ஓட்டு போட்டதா சொல்லுறாங்க ..! மலேசியாவில் இருக்கும் ஒரு நண்பன் போன்ல சொல்லுறான் அவன் கம்பெனில வேலை பார்க்குற எல்லோருமே ஊருக்கு போன்பண்ணி அதிமுகவுக்குத்தான் ஓட்டு போட சொன்னாங்களாம் . நண்பனோட எட்டாம் வகுப்பு படிக்கும் தங்கச்சி பையன் அவங்க அம்மாகிட்ட ரெட்டலைக்கு ஓட்டுபோட சொல்லி கெஞ்சி கேட்டானாம் . என்ன இது எல்லாம் மாயையா இல்ல அதிமுக அலை ஏதும் வீசிடுச்சா ...?

தங்க மணி கூட ஜெயலலிதா மேல அவ்ளோ ஈர்ப்பா இருக்கு ..!

ஓட்டு போட வண்டில போகும்போது கூட தங்கமணிகிட்ட யாருக்கு ஒட்டுபோடனும்னு சொல்ல .. ஆனா தங்கமணி என்னை விடுறதா இல்ல .

வண்டில போகும்போது நடந்த உரையாடல்..!

ஏங்க யாருக்கு ஓட்டு போட போறீங்க

பிஜேபிக்கு போடலாம்னு நினச்சேன் ஆனா கொளத்துர்ல பிஜேபி நிக்கல அதனால திமுகவுக்குத்தான் போட போறேன் .

என்னது திமுகவுக்கா ..?

ஆமா ..

ஏங்க ரெட்டலைக்கு போடுங்க ..!

இல்ல திமுகவுக்குத்தான் ..!


அப்படியென்ன ஒனக்கு அதிமுக மேல பற்று ..?

பாவங்க அது (ஜெயலலிதா) தனியா கெடந்து கத்திகிட்டு கெடக்கு இவங்களுக்கு (திமுக) பாருங்க எவ்ளோ பேரு வாராங்க . ரெட்டலைக்கு போடுங்க .

இல்ல முடியாது நான் வைகோ ஆளு .! என்னால ரெட்டலைக்கு போட முடியாது .
அதே சமயம் திமுக வுக்கு போட முழு விருப்பமும் இல்ல. பிஜேபி யும் நிக்கல அதனால திமுகவுக்குத்தான் என் ஓட்டு ..!

நான் தங்கமணியை ரெட்டலைக்கு வேணாம்னு வற்புறுத்தவில்லை நியாயமாக அதிமுகவுக்கு கிடைக்கும் ஒரு ஓட்டை தடுக்க மனம் வரவில்லை . அதே சமயம் இன்னாருக்குத்தான் ஓட்டு போடணும்னு பொண்டாட்டிய கட்டாய படுத்தும் அளவுக்கு ஆணாதிக்க வாதி இல்லன்னு வெளில பீத்திக்கலாம் அபப்டி ஒரு நினைப்பு .


வாக்கு சாவடி கிட்ட போனதும் தங்கமணி சைகை ரெட்டலைக்கு ஓட்டு போட சொல்லி சைகை பண்ணிட்டு போக!

உள்ளே ..! சைதை துரைசாமி என்ற ஒரு சிறப்பான வேட்பாளர் இருந்தும் மதிமுக காரனான எனக்கு அதிமுகவில் இருந்து மதிமுகவை வெளியேற்றிய கோபமே அதிகம் இருந்ததால் உதய சூரியனுக்கே என் வாக்கை பதிவு செய்தேன் ..! அதோடு பொண்டாட்டி பேச்சை கேட்டு ஓட்டு போட்டவன் அப்படின்னு ஊர் உலகம் நம்மை தூற்றுமே என்ற பயம் வேறு .

வாக்கு சாவடிக்கு வெளியே ..! தங்கமணி ரொம்ப ஆரவத்துடன்

ஏங்க யாருக்கு ஓட்டு போட்டிங்க

அதான் சொன்னேன்ல திமுகவுக்குத்தான் ..!

மூஞ்சிய பாரு ....!!! (செம கடுப்புடன்)
>

தமிழகத்தை வஞ்சிக்கும் மத்திய காங்கிரஸ் அரசு ...! (ஆதாரங்களுடன்)

குறிப்பு ;- இந்திய சுதந்திரத்திற்கு பின்னர் தொன்னூரு சதவீதத்திற்க்கும் மேற்பட்ட காலங்கள் காங்கிரஸ் கட்சி தான் ஆட்சி செய்துள்ளது அந்த வகையில் மத்திய அரசு என சொன்னால் அது முழுக்க முழுக்க காங்கிரஸ் அரசுதான்..!


சமீபத்தில் ஒரு நண்பருடன் உரையாடி கொண்டிருந்த போது சொன்ன ஒருகருத்து ஒரு குழப்பத்தை ஏற்படுத்தியது!

அதாவது பஞ்சாப் மாநிலம் நிறைவான நீர் வளத்தையும்,அதீதமான விவசாய உற்பத்தியையும் பெற்றுஇருந்த காரணத்தாலேயே அங்கே தனிநாடு கேட்டு போராட்டம் வெடித்ததாகவும், அதேபோல தமிழ் நாட்டில் நிறைவான நீர்வளம் இருந்தால் தமிழ்நாடும் விவசாய உற்பத்தியில் சிறந்து விளங்கும் என்றும் அப்படி
ஆகிவிட்டால் தமிழ் நாட்டிலும் தனிநாடு கேட்டு போராட்டம் வெடிக்க வாய்ப்பு இருப்பதாகவும்,ஏற்கனவே தமிழ் நாட்டில் தனிநாடு கோரும் சக்திகள் இருப்பதாலும், தமிழ் நாட்டிற்கு தேவையான தண்ணீர் கிடைக்க விடாமல் மத்திய காங்கிரஸ் அரசு சதி செய்வதாக கூறினார்.

அவர் சொன்னதை முழுமையாக ஏற்று கொள் முடியவில்லை ..!

ஆனால் ..? அவர் சொன்னது மத்திய அரசுமேல் சந்தேகத்தை ஏற்படுத்தியது உண்மை!

தமிழகத்தில் பாசன வசதிக்காக சுதந்திரத்திற்கு பின்னர் எந்த ஒரு புதிய முயற்சியையும் அரசு செய்ததாக தெரியவில்லை.

கல்லணை

கரிகால் சோழன் கட்டிய இந்த கல்லனையாலேயே தஞ்சை மாவட்டம் நெற் களஞ்சியம் ஆயிற்று.!

வீராணம் ஏரி

இதுவும் சோழ மன்னர் காலத்திலேயே உருவாக்க பட்டது. கடலில் வீணாய் கலக்கும் தண்ணீரை தேக்கி விவசாயத்துக்கு பயன்படுத்திய பெருமையும் சோழ மன்னரையே சாரும் .

தமிழகத்தில் தற்போது ஒவ்வொரு வருடமும் கடலில் சென்று கலக்கும் மழை நீரின் அளவானது அந்த வருடத்திற்கு தேவைப்படும் விவசாய பாசன நீரின் அளவை விட அதிகம் என கணிப்புகள் கூறுகின்றன. அந்த மழை நீரை சேமித்து வைக்க அரசு எந்த நடவடிக்கையும் எடுக்க வில்லை.

பொன் விளையும் தஞ்சை

நான் தஞ்சை மாவட்டத்தை சேர்ந்தவன் என்பதால் சில விசயங்களை கூற முடியும் .கடற்கரையில் நின்று பார்த்தால் அடுத்த கரை தெரியாதே அதேபோல பச்சை பசேல் என்ற அடுத்த கரையே தெரியாத அளவிற்கு வயல் வெளிகளை எங்கள் மாவட்டத்தில் பல இடங்களில் காணலாம்.
சில வருடங்களுக்கு முன்னர் ஒருமுறை ஆற்றில் நிறைவாக நீரும் வந்து மழையும் பொய்க்காமல் பெய்யவே ..! மிக மிக அதிக அளவில் நெல் விளைச்சல் இருந்தது. மன்னார்குடி,பெருக வாழ்ந்தான் போன்ற இடங்களில் விளைந்த நெல் மூட்டைகளை பாதுகாக்க இடமில்லாமல் ஊரில் உள்ள அனைத்து வீடுகளின் திண்ணைகளிலும் தெருக்களிலும் நெல் மூட்டைகளை அடுக்கி வைத்தனர்.
தெருக்களில் அடுக்கிவைக்கப்பட்ட ஆயிரக்கணக்கான நெல் மூட்டைகள் மழையில் நனைந்து வீணாய் போனது . ஒரு போகம் விளைச்சலுக்கே இப்படி ..!
நீர் வளம் நிறைவாக இருந்து மூன்று போகம் விளைந்தால் விளைச்சலை நினைத்து பார்க்கவே முடியவில்லை.



மத்திய காங்கிரஸ் அரசு வேடிக்கை பார்க்க....! தமிழகத்துக்கு இழைக்கப்பட்ட அநீதிகள் !

பாலாறு

வட ஆற்காடு செங்கல்பட்டு மாவட்டங்களின் விவசாயிகளின் உரிமையான பாலாற்று நீரை தடுத்து, பல ஒப்பந்தங்களையும் மீறி செயல்பட்டது கர்நாடக அரசு. இதனால் பாலாற்று நீரினால் பாசனம் செய்யப்படும் நிலத்தின் பரப்பளவு 3,75,000 ஏக்கரில் இருந்து 2,45,000 ஏக்கராகக் குறைந்துவிட்டது.

முல்லை பெரியாறு

இந்த அணை, மாநிலப் பிரிவினையின்போது கேரளாவின் வசம் போனது. இந்த அணையின் நீர் மட்டத்தை 152 அடியிலிருந்து 145 அடியாகக் குறைக்க கேரள அரசு வற்புறுத்தியது. இதற்குப் பிறகும் 1979ல் நீர் மட்டத்தை 136 அடியாகக் குறைக்க கேரள அரசு வற்புறுத்தியது. எனவே அணையின் மட்டம் 136 அடியாகக் குறைந்தது. இதனால் வருடத்திற்கு 13.5 டி.எம்.சி. தண்ணீரை தமிழகம் இழந்தது. இதனால் மதுரை, இராமநாதபுரம், பசும்பொன் மாவட்டங்களில் 80 ஆயிரம் ஏக்கர் நிலங்கள் பாசன வசதியை இழந்தன.

காவிரி பிரச்சனை

இன்று வரை காவிரியிலும் அதன் துணை ஆறுகளிலும் சட்டத்தை மீறியும் அனுமதியின்றியும் 19 நீர்த் தேக்கங்களை ரூ.156906 இலட்சங்களில் கர்நாடக அரசு கட்டியுள்ளது. இவைகளில் 175 ஆயிரம் மிலியன் கன அடி நீரைத் தேக்கி வைக்க முடியும்.

கர்நாடகம் 1968இல் இருந்தே தமிழகத்திற்கு உரிய நீரை திறந்துவிட மறுத்து வருகிறது. இது தொடர்பாக, பல்வேறு கட்ட பேச்சுவார்த்தை களிலும் பலன் கிட்டாது கர்நாடகம் தொடர்ந்து சண்டித்தனம் செய்யவே, உச்சநீதி மன்றத்தில் வழக்கு தொடுக்க, அதன் ஆணைப்படி நடுவர் மன்றம் அமைக்கப்பட்டு அது 1991 ஜூன் 25இல் தன் இடைக்காலத் தீர்ப்பை வழங்கியது. இந்த இடைக்காலத் தீர்ப்பின் படி தமிழகத்துக்கு மாதவாரியாகக் கணக்கிட்டு ஆண்டுதோறும் 205 .மி.. அடி நீரை கர்நாடகம் திறந்து விட வேண்டும். ஆனால் கர்நாடகம் அதைத் திறந்து விடாததோடு, காங்கிரஸ் அரசும் அதைப் பெற்றுத்தர எந்த முயற்சியும் மேற்கொள்ளவில்லை என்பதும் இதன் பின் 15 ஆண்டுகள் கழித்து 05-02-07 அன்றுவெளிவந்த இறுதித் தீர்ப்பும் தமிழகத்திற்கு நயவஞ்சகம் செய்து விட்டது என்பதும் பலரும் அறிந்த ஒன்று.

(தகவல்கள் திண்ணை ,கீற்று இணைய தளங்களில் சுடப்பட்டது )

முழுமையாக நீர் வளம் பெற்றுவிட்டால் தமிழ் நாட்டில் உற்பத்தி பெருகி தனிநாடு போராட்டம் வெடிக்குமோ என்ற பயத்தில் மத்திய காங்கிரஸ் அரசு தமிழகத்துக்கு தண்ணீர் கிடைக்காமல் சதி செய்கிறதா ...???


அப்புறம் ஒரு முக்கிய செய்தி ...!

இந்த காங்கிரஸ் கட்சியின் சின்னம்


கை சின்னம் அதை மறக்க வேண்டாம்...!



.......சில சேர்க்கைகளுடன் கூடிய மீள் பதிவு


>